الى متى والى اين !!!

ياترى انت مشكلتك ايه فى الحياه؟؟؟

طبعا انت متخيل ان مشكلتك أكبر مشكله على الأرض؟؟؟

جواك يأس ومحبط والحلقه عماله تضيق حول رقبتك فتتخنق اكثر واكثر؟؟؟

وطبعا عايز حل لكل ده ؟؟؟

عارف ايه هو الحل ؟؟؟

بكل بساطه حس بألاآآآآآآآآآآم الاآآآآآخرين ...

انظر لمعاناة من لا يوجد ليهم مأوى ولا يجدون حتى فتات العيش لسد جوعهم ...

قهرتهم الظروف وأفترشوا الارض ليكون غطائهم السماء!!!

اصبحوا فى نظر المجتمع مجرمين ولا يهتم بهم احد كأنهم يحملون عدوى لأمراض خطيرة !!!

وننظر اليهم بكل أشمئزاز من غير منفكر لحظه واحده ايه الوصلهم لكده !!!

هل تعلم من هم ؟؟؟

هم اطفال الشوارع !!

وانت لو شوفت ولادك بيقربوا منهم تبصلهم بصه قرف وتشد ابنك ولا بنتك ؟؟؟

لو قرب منك واحد منهم تمسك موبايلك اوى او تقفل ازاز عربيتك لحسن يسرقك ...

قاعد فى مطعم واجهته ازاز وجيه يبص عليك ويشاورلك انه جعان ... تتنرفز وتنادى مشرف المطعم علشان (يجرشوا) !!

نعم أنهم أطفال الشوراع

الى متى والى اين !!! 26-7-2010-14-59-45181

ياريت نعرف مشاكل هؤلاء الأطفال ووقتها بس انت حتعرف ان مشكلتك أتفه من انك تفكر فيها .

أطفال كل مشكلته اما تيتم او الطلاق او ادمان ابوه

وغيره كتير من المشاكل

انا شوفت طفله يتيمه كل أملها فى الحياه

انها تاكل سندوتش لاشنوم (الهوه لانشون)

وقولتلها انتى اكلتيه قبل كده قالتلى لأ بس البت فلانه قالتلى عليه ووريتنى صورته عند محل بقال !!

وطفل كل امله فى الحياه يركب عربيه ويقعد قدام ويفتح الشباك !!!

والاآآآآآآآآآف غيرهم احلامهم بسيطه اوى !!!

الى متى والى اين !!! 16-11-2011-1-26-27696

ياترى دى غلطه مين ؟؟؟

وأسفآآآآآآآآآآآآآآآآ

الأطفال دى بيكبرواوبيكبر جواهم حقد كبير اوى و بيبئوا مجرمين ومنحرفين ومنحرفات !!

ياترى دى مسئوليه مين؟؟؟

ياترى لو كنا فى عصر عمر بن الخطاب رضى الله عنه كان حيكون فيه أطفال شوارع ...

(كان "عمر بن الخطاب" نموذجًا فريدًا للحاكم الذي يستشعر مسئوليته أمام الله وأمام الأمة، فقد كان مثالا نادرًا للزهد والورع، والتواضع والإحساس بثقل التبعة وخطورة مسئولية
الحكم، حتى إنه كان يخرج ليلا يتفقد أحوال المسلمين، ويلتمس حاجات رعيته التي استودعه الله أمانتها)

مش حقول الا حسبى الله ونعم الوكيل يا اولي الأمر ...