فين ايامك يا مبارك....قال وانا اللى كنت فرحان بالثورة

انا عارف بس كل اللى هيدخل هيتهمنى انى من الفلول ومن انصار مبارك ومن جماعة اسفين ياريس
لكن بالعكس انا كنت من اشد الناس السعيدة جدا بالثورة وكان عندى امال عريضة واحلام كبيرة اننا هنتقدم بعد ما قدرنا بعون الله اننا نزيح الهم اللى
كان فوق صدورنا لمدة ثلاثين سنة وعشت فى الاحلام الوردية وبدات ارسم شكل
جديد لحياة جميلة فيها حرية وعدالة وقلت ان حظ اولادنا ان شاء الله هيكون
احسن من حظنا
لكن للاسف كان حلم ايوة كان حلم وصحيت منه على الكابوس الكبير اللى خلانى ندمت فعلا على فرحتى بالثورة وبقيت اقول للاسف فين ايامك يا مبارك
انا عايز حد علشان يهاجمنى يقول لى ايه اللى اتغير بعد الثورة
الجوع مثلا الناس جاعت اكتر والبطالة زادت اكتر وعنف كل يوم بيزيد
مبارك كان بيسرقنا اه مش ههننكر لكن كفاية اننا كنا عايشين فى امان بندور عليه دلوقتى مش لاقيينه
خلاص انا حرمت مش عايز حرية مش عايز عدالة مش عايز مساواة
مرحب بالظلم والسرقة ولكن مقابل الامن والامان انا عايز امان وبس امان يا ناس يا هوووووووووووووه امان