تعرضت للتحرش الجنسي في صغري ..والآن انا اعاني من عدم الثقه بنفسي وبالجنس الآخر!!

×××××××××××××××××××××

××××××××××××××××××××××××××××××××××××××××××

][®][^][®]d]السلام عليكم ورحمة الله وبركاته ][®][^][®][


××××××××××××××××××××××××××××××××××××××××××


كيف حالكم جميعا .. عساكم طيبين؟؟

رساله جديده وصلت لبريد العياده النفسيه

واعذروني على التأخير في الرد عليها لخلل في النت عندي

×××××××××××××××××××××

×××××××××××××××××××××××××××××××××××××××××××××××××××××××××××××××

الصراحه وانا بعمر4 او 5 سنوات تعرضت للتحرش الجنسي باللمس وغيرها من ناس قريبه وغريبه واعتقدان هالشي سبب لي حاله نفسيه اوانطوائيه وعدم الثقه بالغير وخاصه الذئاب منهم لدرجه اني انا حاليا بعمرالزهور وموظفه وبحكم وظيفتي لازم اختلط بالجنس الاخرولكن حاليا لااعرف كيف اتعامل معهم اوكيف اتخلص من مشكلتي وعدم الثقه بنفسي

×××××××××××××××××××××××××××××××××××××××××××××××××××××××××××××××

×××××××××××××××××××××


×××××××××××××××××××××


يمكن يكون وقع كلمة "التحرش"على الآذان ثقيل لدى البعض
لدرجة أن يستبعدها بعض الآباء أو يعتقدوا أن أبناءهم بعيدون عنها
كما يمكن ان تسبب هالكلمه نوع من الحرج للوالدين مما يمنعهم من الحديث حول الموضوع
او عما يخص الحماية وتوعية ابنائهم ضد التحرش سواء من القريب او البعيد!!

رغم ان الظاهره في انتشار غريب من نوعه في المجتمعات باختلافها حتى العربيه والخليجيه
فإن التحرش لا يعرف سننا معينه..حيث تبدأ اعمار الظحايا غالبا فوق سن الثانيه ..ويمكن في بعض الحالات اقل !!

قد يتعرض الطفل للتحرش من قبل الاقرباء قبل الغرباء سواء
من المربية أوالسائق أوالخدم أوالمراهقين في العائلة اوالأصدقاء أوالجيران او الأقارب الذين قد يترك معهم في خلوه دون اشخاص آخرين.

الطفل طبعا بوعيه ومعلوماته ما يعرف الموضوع ولا يدري بشئ!!
البعض يمكن ينحط تحت التهديد بالسر.. والآخر بالاغواء.. سواء بالمال او شراء الهدايا وغيرها !!

لكن في النهايه .. لا يتوقع اللاباء حدوث هالشئ في عائلتهم وفي وسط دارهم ومن اقرب الناس لهم
ويكون الطفل بالتالي قد تعرض .. لكن لجهله بالموضوع يخفي الامر عن والديه
خوفا منهم .. او تحت تهديد المتحرش !!

فعلى كلا الوالدين

× تعويد الاطفال على ان لا يتكشفوا لغير امهم فقط !!
× ان هذه الاماكن عييب وممنوع احد يشوفها او يلمسها
× حد قاله شئ او حاول يلمسه او لمسه يبلغ فورا والديه!!
× ما يكلم الغرباء ولا يدليهم بيته او يعطيهم عنوانه!
× على الوالدين التقرب إلى ابنائهم .. فتح مجالات الثقه والصراحه بالحديث..
البعض يقول الموضوع سهل..لكن نلاقيهم اول ما يجي الابن يقولهم شئ صغير عصبوا وعليه وبدوا بالتلويم.. فبعدها الطفل طبعا بيتجنب يقول اي شئ ثاني لانه عارف شبيلاقي !!
×راقبوا سلوك اطفالكم ... هل بدأ فيها تغير؟؟ مع من يجلس؟ من هم زملائه؟ من قابل اليوم ؟؟ شنو سلوكه المعتاد<< علشان نعرف التغير لما يصير ؟!!



لنعد لجانب آخر من مشكلة المرسله

مثل ما ذكرتي ان التحرش حصل وانتي صغيره.. باللمس وغيره .. لكن هل فقدتي عذريتك مع هذا التحرش؟ ام انه مجرد تحرش خارجي ما ادى إلى ضرر جسدي؟

إن التحرش الجنسي عموما فعل حقير ويجب معاقبة المجرم دون أي تساهل بالمره

وانتي مب اول وحده تتعرض لهالشئ الي بدا ينتشر مثل ماقلت في مجتمعاتنا

واكثريتهم تعلموا مواجهة الموضوع بنفسهم بدون مساعدة احد !!

ومنهم مقدمة الرامج المشهوره اوبرا ونفري
واهي اعترفت بهالشئ كذا مره على الهواء وتناولت القضيه هاذي اكثر من مره !!
وتحاو قد ما تقدر ان تخلي الضحايا يسخرون اي موقف او مشكله تعرضولها لصالحهم اكثر من الاستسلام وجعلها ضدهم في كل خطوه .. لان مشكله من هالنوع صعب تزيلينها
فمصيرج تتأقلمين وياها او تواجهينها صح؟

طبعا في مجتمعنا العربي او الخليجي صعب انج تصرحين بالموضوع جدام الكل
لانهم بدون اي تفاهم بيصيرون ضدج لدرجه انهم ممكن يذبحونج بعذر الشرف
كان انتي الي بنفسج رحتي للي يتحرشلج وترجيتيه يتحرش فيج!!

ومشكلتج مثل ما قلتي صايره من اكثر من 15 سنه تقريبا !!!!
الوقت كان كفيل نوعا ما انه يمشيج في الحياه مع هالمشكله
والحين انتي تشتغلين وبديتي تهتمين بنفسج نوعا ما !!!

عاده الي يتعرضون لهالحالات يتوقفون عند العمر الي صار لهم التحرش وتجيهم امراض نفسيه قد تكون مستعصيه
اويصابون بخلل نفسي يخليهم ما يطلعون للناس او يروحون المدرسه ويستمرون

فإحمدي ربج طبعا على الموضوع هذا ..واشكريه وادعي انه يخفف عنج زياده وزياده

لكن من ناحيه الثقه بالنفس
فمثل ما قلت
هالمشكله صارت من زمان.. مالج اي يد في تغيرها الحين.. لكن تقدرين تغيرين النتيجه الي خلفتها!!


طبعا في قسم التطوير الذاتي ما قصروا الاعضاء حطوا كذا موضوع بخصوص تنمية الثقه بالنقسم انصحج فعلا تقرينها

تقدرين تتطلعين عليها لانه خطوات رااائعه ومفيده جدا
والثقه مب شئ احد ممكن يحطه فيج او يعلمج اياه
هاي شئ لازم تحطينه في نفسج انتي بنفيج..تعلمين نفسج بنفسج

لا يهمج كلام الناس
الناس غاويه كلام ولو حاولتي ترضينهم ماراح تخلصين ابد ..
اغلب الناس لما تلاقينهم يتكلمون عن سوالف ومشاكل غيرهم تــــأكـــــــــدي ان الشخص الي يتكلم يخبي وراه مشاكل واسرار اسوووء وما يبي الناس يتكلمون عنها
وهاي انا اشووفه في الكل !!
قبل كنت عديمة الثقه بنفسي
لكن جابلت نفسي بعد وفاة اخواني الله يرحمهم.. عرفت ان محد بينفعني .. لازم انفع نفسي .. واسوي الي ابيه بس اهم شئ رضى ابوي وامي ...والباقي ما علي منهم
والصرااحه انا عندي في عييلتيي حرييييييم مخصصين حياتهم ووقتهم علشان يمسكون علي شغله
ينتقدووون كللللللل شئ.. في البدايه كنت اتضايق.. وكنت اشوفهم صح.. لكن بعدها عرفت ان بلاويهم اسوء ..وانا الاحسن اني ما اتكلم عندها .. واواجههم ببروووود وثقه ورضى من اي شئ ينتقدوني فيه

انا عايشه علشان ارضيهم؟؟؟ حتى بعد "بسم الله علي" موتي في عزاااي بينتقدوني يتكلمون عن الي يشوفونه عيوب ويمكن اكثرها من تأليفهم!!

هاي مثال شخصي يمكن ما يفيدك.. لكن اتمنى تفهمين المغزى منه !!

وبالنسبه لحالتج في انعدام الثقه بنصحج بحل وااايد قوي وبيساعدج

لكن ما اعتقد البنات في مجتمعنا يقبلون عليه لكنه فعلا فعلااا بيفيدج انتي بالذااات


ويتبعونه اغلب المتعرضين للهجوم والتحرش سواء واهم صغار او وهم كبار !!

يمكن حلي يضحك او تشوفينه مب لين اهناك وشدعوه ... لكن جربيييه صح وبتشكريني

""
تعلمي احد الفنون القتاليه للدفاع عن النفس""

مااقولج اخذي الحزام الاسود في الكارتيه او التكواندوا او صيري نينجا
لأ
انا اقولج تعلمي بس فنون الدفاع ... هاي بالكثير تاخذ 4 او 5 شهور إلى سنه !!

ونفس معاهد الكرتيه والفنون القتاليه تعطيها

..

بتتحسنين على الاقل 70% عن قبل

::
شخصيا عندي ناس يعلموني .. بس لياقتي شوي عافسه الموضوع لكوني دبه خخخخخخ

لا تستصعبين الموضوع تراه رياضه و اغلب الحركات ما تبيلها قوه او عضلات .. بس يبيلج تعرفين وين بالضبط تضربين

....

والله الله بالقرآن تراااه من اقوى العلاجااات لو قريتيه بترتيل وتروي من كل قلبج
ودعيتي بإيمان في صلاة القيااام لله سبحانه وتعالى انه ييسر لج دربج الي خطه لج قبل ما تنولدين
وعليج الرضى بما كتبه لج سبحانه

:::
اما من ناحية الزواج
إذا كان في جسدج ضرر قد يكون فقدان للعذريه لاسمح الله وما لاقدرتي ترممينه
فعليج مصارحة المتقدم لج بينج انتي وبينه.. مب عن طريق اي حد ثاني
وقبل اي إجراء في الزواج ..والاهم انج تقولين الموضوع بثقه مب كعيب..انما كواقع!!

...

والله يوفقج يارب
ويسعدج في حياتج
ويرزقج بالرزق والزوج الحلال

^_^